2017年4月17日 星期一

♥ 炑八韓烤 ♥

過去既 2、3月真係好難捱,一日假期都冇>< 
同個舊朋友終於都約到復活節假最後一日黎食炑八,我地去左黃大仙分店,近佢屋企!
接近7點,好彩一早 BOOK 左位,入到去已經差唔多 FULL HOUSE~
  

 
 
我地揀左牛肉生蠔套餐!
 

 
 
好快職員已經放低左好多前菜、醬料。。。
  

 
 
我地一人點左一杯梳打~
我就荔枝梳打、佢就菊花梳打。
 

 
 
前菜有沙律、海帶、芽菜、泡菜等。。。
  

 
 
之後黎個暖笠笠既海帶湯~
清清地,又勁多海帶,好健康!
  

 
 
芝士生蠔,一人有兩隻~
每隻生蠔都有個錫紙兜裝住,成個錫紙兜放上爐燒!
當芝士熱溶,滲入成隻生蠔入面,超好食(本人勁中意芝士HAHA),同時仲食到生蠔既鮮甜~
 

 
 
牛肉生蠔套餐,生蠔就食左! 
之後就到肉類,大部分都是牛,eg. 特級牛肋骨、厚切上等鹽烤牛舌、牛臉肉、條切特級牛五花腩、及炑八梨汁雞肉 ~
   

 
 
最中意條切特級牛五花腩,好鮮嫩,而且一d 都唔韌!
  
ps. 值得一提既係炑八既爐邊芝士泡菜蛋同芝士粟米係無限添加,超正~
另外,仲有多款前菜隨意添加(除沙律外)!份份前菜食完再添食完再添,好抵haha!!!
   

 
 
最後黎埋個雜菌拼盤,
d 菇同露筍好新鮮,我地食完覺得唔夠喉,如果再多d 就好!
 

 
 
最後埋單每人around $300 ~
雖然有d 貴,不過大家都食得好開心!
  
小評:
 
味道:★★★★★ 
環境:★★★★★
服務:★★★★★
衛生:★★★★☆ 
抵食:★★★★☆
   

沒有留言:

張貼留言